A REPLY TO A TAPSILOG CUSTOMER

Okay, order noted. Nagawa ko na po, Sir! Hmm. May note pala siyang pinabibigay. Kinuha nya na kasi yung order mo. Eto sabi nya.


"Hmmm. Salamat sa TAPSILOG ha. :) Unang-una na yun. Naku, okay lang naman sa akin yun. Hindi ka nakasama? At least, I saw the effort naman. It pays off na rin. Kaya wag ka mag-alala.


Oo, hindi lang stressed sa academics. Sa lahat - sa buhay, sa pag-ibig. Kahit nga nung birthday ko, buong umaga nun. Wala akong ginawa kundi patayin yung oras eh. Nakakatawa.


Siguro tatlong oras na rin akong nakatambay sa computer shop. Inaabangan kang mag-online. Hindi ko kasi nasagot tawag mo kahapon. I missed something that I know, will give that happiness that I wanted during those days. I missed it.


TEXT MO AKO. PLEASE? Nagmamakaawa talaga ako nyan. Hahaha! Pero mula nung 11, di man lang ako nakatanggap. Hinintay ko kung makakasama ka. Para akong manghuhula nun. Kulang na lang, maglagay ako ng mahiwagang bola. Baka sakali, dun ka magtext. 


Wala pa din. Baka walang load. Okay na yun. At hanggang ngayon, naghihintay pa din ako - text lang yun, pero malaking bagay sa akin nun.


Nairaos ko din naman yung birthday ko. Pero iniisip ko lang, sana ikaw yung andun. Malungkot. May kasamang tampo. Pero anong magagawa ko? Tapos na rin ang lahat.


Oo nga pala. Buti na lang nagbigay ka ng tapsilog. SALAMAT ULIT! :)"


Alam mo, kung importante man ang tao sa iyo, iparamdam mo. Alam mo, malungkot yun nung pagdating niya dito sa tapsilugan ko. Pinipilit lang ngumiti. 


Ganun kahalaga sa kanya ang makasama ka kahit lang sa panunuod ng fireworks. Napakalaking bagay na nun. Pero alam mo, pagkakuha niya nito, natuwa siya. Alam niya siguro na pinasadya mo pa talaga yun.


Marami pang time para makabawi. Hindi niya man hinihingi na gawin mo yun, matutuwa siya kapag nangyari yun. Oo nga pala. May pahabol pala siyang pinapasabi. Salamat daw, kasi kahit hindi mo pa talaga siya kilala, importante na siya para sa iyo. Kuntento na daw siya na nalaman niya yun.


Oo nga pala. Php65 yang tapsilog. Pero huwag mo na bayaran. Para naman sa kanya eh. Balik ka ulit sa susunod ha. Huwag kang mag-alala, magiging masaya yun. Huwag mo lang palagpasin ang mga araw na masaya yung tao, kasi wala ka. Tandaan mo yun ha. :)


-TAPSILOG VENDOR.